चिनियाँ ब्याट्री उत्पादक कम्पनी क्याटलले बोलिभियामा लिथियमको ठूलो भण्डारण परियोजनाको विकास गर्ने भएको छ। बोलिभियामा काम गर्न क्याटलले ठेक्का पाएको हो।
विद्युतीय गाडीको उत्पादन र माग बढेसँगै यसका लागि आवश्यक ब्याट्रीको यो वर्ष तीन गुणाभन्दा धेरै माग छ। त्यसैले यस्ता ब्याट्री निर्माता कम्पनी र ब्याट्रीका लागि आवश्यक कच्चा पदार्थ उत्पादन गर्ने देशहरुले टेन्डर आह्वान गरेर खनिज उत्खनन गर्न थालेका छन्।
अल्ट्रा-लाइट मेटल इलेक्ट्रिक सवारी (इभी) ब्याट्रीहरूमा प्रयोग गरिन्छ। जीवाश्म इन्धनहरू फेज-आउन हुने क्रमले चरणबद्ध रूपमा यसको उत्पादन बढ्दै जाने अपेक्षा गरिएको छ।
बोलिभियाका राष्ट्रपति लुइस आर्सेले क्याटलको नेतृत्वमा रहेको कन्सोर्टियमले बोलिभियामा लिथियमको ऐतिहासिक औद्योगिकीकरण सुरु गरिरहेको बताएका छन्। उनका अनुसार यो परियोजनाको पहिलो चरणमा १ अर्ब डलरभन्दा बढी लगानी हुनेछ।
अष्ट्रेलिया र चिली विश्वको सबैभन्दा ठूलो लिथियम उत्पादक हुन्। तर बोलिभियामा पोटोसी र ओरो नुन फ्ल्याटहरूमा ठूलो भण्डारण क्षमता छ। प्राविधिक अवरोधहरू र पूर्वाधारको अभावले बोलिभियामा लिथियमको निकासीमा लामो समयदेखि ढिलाइ भएको छ। जसको भण्डारण २ करोड १० टन रहेको अनुमान गरिएको छ।
आर्सेले बोलिभियाले अझै पनि अन्य विदेशी कम्पनीहरूसँग सम्भावित साझेदारीको लागि वार्ता गरिरहेको बताए। रोयटर्स समाचार एजेन्सीका अनुसार तिनीहरूमा अमेरिकी कम्पनी लिलाक सोलुसन्स, रुसको युरेनियम वन ग्रुप र अन्य तीन चिनियाँ कम्पनीहरु छन्।
सन् २०२५ को पहिलो त्रैमासिकमा लिथियम ब्याट्री निर्यात सुरु गर्ने बोलिभियाको लक्ष्य छ। अर्जेन्टिना, बोलिभिया र चिलीले विश्वको लिथियम निक्षेपको ७५ प्रतिशतभन्दा बढी लिथियम त्रिकोण भनिने नुन फ्ल्याटहरू वा सालारहरूको विस्तारमा सहकार्य गर्दैछन्।Source:Bizmandu
